२१ वैशाख, काठमाडौँ । प्रहरी हिरासतमा रहेका व्यवसायीद्वय दीपक भट्ट र शेखर गोल्छाको मुद्दा आज सर्वोच्च अदालतको इजलासमा पुगेको छ ।
दुवै व्यवसायीका तर्फबाट उनीहरूका श्रीमतीहरूले दायर गरेको बन्दी प्रत्यक्षीकरण रिटमाथि आज छुट्टाछुट्टै इजलासमा सुनुवाइ हुँदैछ ।भट्टको हकमा न्यायाधीश अब्दुल अजीज मुसलमानको एकल इजलासले मुद्दा हेर्दैछ भने गोल्छाको मुद्दा न्यायाधीशद्वय महेश शर्मा पौडेल र श्रीकान्त पौडेलको संयुक्त इजलासमा पेशी चढेको छ ।
यी दुई व्यवसायी फरक(फरक कसुरमा अनुसन्धानका लागि नियन्त्रणमा परेका हुन् । दीपक भट्टलाई सम्पत्ति शुद्धीकरणको अभियोगमा चैत १९ गते पक्राउ गरिएको थियो भने शेखर गोल्छालाई शेयर बजारको कारोबारमा भएको ‘चलखेल ’ र धितोपत्र बोर्डको छानबिन प्रतिवेदनका आधारमा सीआईबीले हिरासतमा राखेको छ ।
आजको सुनुवाइले उनीहरूको हिरासत बसाई र कानुनी प्रक्रियाको आगामी दिशा तय गर्ने देखिएको छ ।
